Google ADS

Rudiger refuzon edhe ofertën e fundit nga Chelsea, vendos përfundimisht të largohet

14:50 | 23 Prill 2022
Artan Maliqi

Antonio Rudiger nuk do të qëndrojë më te Chelsea, pasi ka refuzuar edhe një ofertë të londinezëve.

Qendërmbrojtësi gjerman në fund të sezonit mbetet futbollist i lirë dhe dëshira e tij është të ndërrojë ambient për edicionin e ri.

Chelsea i ka bërë edhe ofertën e tretë dhe sipas mediave angleze ajo ka qenë me një pagë rreth 10 milionë euro në sezon, ofertë që është refuzuar nga gjermani.

29-vjeçari i ka njoftuar drejtuesit e klubit se ka vendosur të largohet në verë si futbollist i lirë, ku ofertat në drejtim të tij nuk mungojnë.

Në garë për shërbimet e tij janë skuadrat më të mëdha evropiane si Barcelona, PSG, Bayern Munich, Real Madrid, Manchester United dhe Juventus.

Reprezentuesi gjerman synon që kontratën e ardhshme të ketë pagë prej 12 milionë eurove në sezon. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm